09/05/2013 11:23:51

Rusia feston fitoren kundër fashizmit

Kamionë ushtarakë, që transportonin raketahedhëse dhe armë të tjera, parakaluan në qendër të kryeqytetit rus për të shënuar fundin e Luftës së Dytë Botërore

MOSKË - Rusia përkujtoi sot fitoren e vitit 1945 kundër regjimit nazist me një paradë prej mbi 11 000 ushtarakë në Sheshin e Kuq në Moskë me praninë e presidentit Vladimir Putin, bënë të ditur burime zyrtare vendase. Kamionë ushtarakë, që transportonin raketahedhëse dhe armë të tjera, parakaluan në qendër të kryeqytetit rus për të shënuar fundin e Luftës së Dytë Botërore. Parada filloi me kalimin e automjeteve ushtarake të kryesuar nga një limuzinë e zezë, në bordin e së cilës ishte ministri i Mbrojtjes, Sergei Choigu. Rreth 68 helikopterë dhe avionë fluturuan mbi "Sheshin e kuq". Më tepër se 25 milionë rusë vdiqën gjatë Luftës së Dytë Botërore.

HermesNews - ©2013

Dërgo me email | Stampo artikullin