09/05/2013 11:08:56

Euro forcon pozitat ndaj Lekut

Për shkak të kërkesës shumë të lartë për euro nga bankat dhe nga kompanitë e mëdha, duke përfshirë edhe tregtarët do të vijojë të stimulojnë një euro të fortë në vend megjithë luhatjet e vogla që mund të rregjistrojë

TIRANE - Monedha europiane euro, po vazhdon të forcojë pozitën e saj në tregun valutor vendas kundrejt lekut, por gjithësesi luhatjet e saj mbeten brenda parashikime të Bankës Qendrore. Të dhënat nga kursi zyrtar i këmbimit nga Banka e Shqipërisë konfirmojnë vlerësimin e euros me 0.08 lekë, duke u këmbyer kështu me 140.85 lekë gjatë ditës së sotme.

Ekspertët e këmbimit valutor shpjegojnë se, për shkak të kërkesës shumë të lartë për euro nga bankat dhe nga kompanitë e mëdha, duke përfshirë edhe tregtarët do të vijojë të stimulojnë një euro të fortë në vend megjithë luhatjet e vogla që mund të rregjistrojë.

Ndonëse ndikim në rritje ka dhënë edhe rritja e euros kundrejt dollarit në bursat ndërkombëtare me 0.41% në raport me një ditë më parë. 1 euro kuotohej sot në bursa në nivelin e 1.3131 dollarë.

Si pasojë, zhvlerësimi i dollarit është reflektuar edhe në kursin vendas. 1 dollar këmbehet sot me 107.4 lekë duke u dobësuar 0.17 lekë kundrejt ditës së djeshme.

HermesNews - ©2013

Dërgo me email | Stampo artikullin