09/05/2013 10:57:18

Tre mujori, sistemi bankar pozitiv

Provigjionet për humbjet e mundshme nga kreditë për tremujorin e parë të vitit prekën vlerën e 4.3 miliardë lekëve

TIRANE - Sektori bankar e ka mbyllur tremujorin e parë të vitit 2013 me fitim. Sipas të dhënave zyrtare nga Banka e Shqipërisë, rezultati financiar i të gjashtëmbëdhjetë bankave të sistemit shenoi bilanc pozitiv në vlerën e 1.3 miliardë lekëve. Megjithëse krahasur me të njëjtën periudhë të vitit të kaluar, ky fitim eshtë tkurrur ndjeshëm kushtezuar kjo nga treguesit e të ardhurave, shpenzimeve të sistemit bankar dhe nivelit të kredisë me probleme. Provigjionet për humbjet e mundshme nga kreditë për tremujorin e parë të vitit prekën vlerën e 4.3 miliardë lekëve, ndërsa në të njëjtën periudhë të vitit të kaluar kishin pasur vlerën modeste të 28 milionë lekëve. Rritja e provigjioneve pasqyron vazhdimin e rritjes së shkallës së kredive me probleme, që në fund të tremujorit të parë ishte 24%, nga 22.7% në fund të vitit 2012. Kjo tregon se mbajtja nën kontroll e treguesit të kredive me probleme do të vazhdojë të jetë një faktor përcaktues për përfitueshmërinë e bankave.

HermesNews - ©2013

Dërgo me email | Stampo artikullin