07/05/2013 20:54:40

Për amerikanët ka rëndësi proçesi i zgjedhjeve

Shtetet e Bashkuara ndajnë mendimin e Komisionit Europian se zgjedhjet e 23 qershorit do të jenë një provë kritike për gatishmërinë e Shqipërisë për statusin e kandidatit të Bashkimit Europian

TIRANE - Komisioni amerikan i Helsinkit mbajti një seancë për Shqipërinë të Hënën, ku një nga temat më të debatuara ishte ajo e Komisionit qendror të zgjedhjeve. Zv.ndihmës sekretari amerikan i shtetit Philip Reeker tha se, Shtetet e Bashkuara ndajnë mendimin e Komisionit Europian se zgjedhjet e 23 qershorit do të jenë një provë kritike për gatishmërinë e Shqipërisë për statusin e kandidatit të Bashkimit Europian. "SHBA dhe partnerët tanë europianë, kanë theksuar se demokracia nuk ka të bëjë vetëm me faktin se kush i fitoi një palë zgjedhje dhe kush i humbi. Edhe procesi demokratik ka rëndësi." Reeker tha se KQZ-ja nuk duhet të bëhet objekt ndërhyrjeje i asnjë individi, partie politike, apo institucioni, përfshirë Parlamentin.

HermesNews - ©2013

Dërgo me email | Stampo artikullin