07/05/2013 18:45:54

Të gjelbërit prezantojnë kandidaten në Fier

Partia e Gjelbër, si asnjë parti tjetër, e vlerëson realisht kontributin e femrës në politikë duke e vendosur atë në krye të disa prej listave të kandidatëve për Deputetë të PGJ-së

TIRANE - Kryetari i Partisë së Gjelbër Z.Edlir Petanaj, zhvilloi një takim me kandidatët për deputetë të Qarkut të Fierit. Lista e kandidatëve të Partisë së Gjelbër në Qarkun e Fierit udhëhiqet nga Znj.Rita Strakosha, një nga ekspertet më të mira të mjedisit në vendin tonë.

Partia e Gjelbër, si asnjë parti tjetër, e vlerëson realisht kontributin e femrës në politikë duke e vendosur atë në krye të disa prej listave të kandidatëve për Deputetë të PGJ-së. Gjinisë femërore nuk i mungojë ekspertet e mjedisit, madje idetë e tyre të gjelbra mbështeten fuqishëm mbi parimet e paqes, bashkëpunimit dhe vazhdimësisë. Një deputete e gjelbër është garancia më e mirë për rilindjen tonë mjedisore.

Programi ynë elektoral “Për një Shqipëri të Gjelbër” për zgjedhjet e 23 Qershorit, garanton jo vetëm përmirësimin e situatës mjedisore dhe të burimeve natyrore në vend por hedh bazat drejt një zhvillimi të qëndrueshëm e miqsor me mjedisin.

Ai është një program i hartuar nga ekspertët e mjedisit dhe politikave të gjelbra. Një pjesë e tyre drejtojnë dhe listat e kandiatëve për deputet në disa qarqe. Ne besojmë se duke bashkuar forcat mund ta ndyshojmë këtë situatë të rënduar mjedisore.

Ne i bëjmë thirrje shoqërisë civile ambientaliste të mbështesin kolegët e tyre, të mbështesin Partinë e Gjelbër, pasi një zë i gjelbër në parlament është një garanci më shumë për kapërcimin e kësaj krize mjedisore.

Zgjedhjet e 23 Qershorit, për NE të Gjelbërit, do të jenë një referendum për të ndalur impotin e plehrave, për të ndalur ndotjen dhe shkatërrimin e mjedisit, për të ndalur prerjen e pyjeve, erozionin e tokës, shkatërrimin e lumenjeve, për të ndalur zhdukjen e florës dhe faunës. Prandaj, Ne i bëjmë thirrje të gjithë atyre që dëshirojnë të jetojnë në një vend me mjedis të pastër, të pasur me burime natyrore, tani është koha për të vepruar duke mbështetur dhe votuar partinë e gjelbër dhe4 kandidatët e saj.

Komunikatë për Shtyp

Dërgo me email | Stampo artikullin