07/05/2013 17:07:42

Nenshtesia, debatet e para ne Itali

Ministrja për Integrimin Cecile Kyenge deklaroi se brenda javëve të ardhshme do të paraqesë një dekret ligj mbi të ashtuquajturin 'ius soli', të drejtën juridike për të qenë nënshtetas të vendit ku lind

ROME - Ligji mbi nënshtetësinë e fëmijëve të emigrantëve shkaktoi debatet e para brenda Qeverisë së sapoformuar të Italisë, e kryesuar nga Enrico Letta. Ministrja për Integrimin Cecile Kyenge deklaroi se brenda javëve të ardhshme do të paraqesë një dekret ligj mbi të ashtuquajturin 'ius soli', të drejtën juridike për të qenë nënshtetas të vendit ku lind. Aktualisht në Itali vlen e drejta e nënshtetësisë sipas prejardhjes së prindërve, gjë që penalizon shumë fëmijët e emigrantëve, të lindur e të rritur në Itali. Ministrja me origjinë kongoleze, e cila po përballet edhe me disa sulme shumë të ulëta raciste, ka argumentuar se një ligj i tillë i duhet shoqërisë italiane.

HermesNews - ©2013

Dërgo me email | Stampo artikullin