06/05/2013 21:14:39

Buffet lançon të birin fshatar, kryetar jo ekzekutiv të Hathaway

'Eshtë si të shohësh një film, por nuk dihet se si përfundon'

NEW YORK - 82 vjecari miliarder Warren Buffet është paraqitur më në formë se kurrë gjatë meeting-ut vjetor të kompanisë së tij, ku ka duetuar me rock star-in Bon Jovi dhe i është përgjigjur me dinakëri pyetjeve të Doug Kass, i ftuar në rolin e kundërshtuesit nga vetë Buffet .

Ai arriti sërish, bashkë me nëndrejtorin e tij 89-vjecar Charlie Mugner, të mos bënte të ditur emrin e pasardhësit të tij si drejtor i një holding, që me kalimin e viteve e ka zgjeruar tepër rrjetin e saj duke përfshirë cdo sektor nga akulloret e gjer te sigurimet, me një numër prej 280 mijë të punësuarish.

Falë dinakërise dhe zgjuarsisë së tij në investime, ai arriti të shmangte krizën në vitin 2008, prandaj edhe njihet në Wall Street si “orakulli i Omaha-s”. Kur ai vendos të investojë para në një kompani, investitorët e konsiderojnë gjithmonë të sigurtë suksesin, falë besimit që ai ka krijuar prej kohësh.

Gjatë këtij meeting-u ai përcaktoi të birin Howard 58 vjecar, fshatar dhe filantrop, si drejtorin jo ekzekutiv të kompanisë për të garantuar që Berkshire të mund të ketë në të ardhmen administratorin delegat më të mirë të mundshëm. Më tutje orakulli ka folur më në detaj për pasardhësin e tij në krye të kompanisë, por gjithmonë pa e identifikuar atë. Deri tani përmenden si pasardhës të mundshëm, Ajit Jain, që merret me pjesën e sigurimit të kompanisë, dhe Matt Rose, në krye të business-it të hekurrudhave.

Me 2 maj ai u regjistrua në rrjetin social Twitter, edhe pse thuhet që ai nuk mban një pc në tryezën e punës dhe është shprehur kundër vendimit për ti konsideruar rrjetet Facebook dhe Twitter si mjete komunikimi të vlefshme për të komunikuar me kompanitë e listuara.

Publiku i pranishëm ka duartrokitur pyetjen kritike të Andrew Ross Sorkin mbi stabilitetin e gazetave, pasi kompania Berkshire ka filluar të përfshijë në vetevete edhe këta të fundit ( vetëm në 2012 ka blerë 28 gazeta me një shumë prej 344 milion dollarë.

“Ne po i blejmë gazetat me një cmim shumë shumë të ulët”- është shprehur Buffet duke nënvizuar se këtë vit kompania e tij zotohet të mbikalojë të ardhurat me 10% para tatimit. Së fundmi ai është shprehur i favorshëm për politikën espansive të Federal Reserve me tre projekte easing dhe për manovrën ekonomike të presidentit Barack Obama, por sic ka theksuar ai kjo e fundit mund të jetë shumë “inflacioniste” dhe plot me rreziqe. “Eshtë si të shohësh një film, por nuk dihet se si përfundon.”

HermesNews - © 2013

Dërgo me email | Stampo artikullin