06/05/2013 16:39:12

Westerwelle kunder antisemetizmit

Ministri shprehu angazhimin e shtetit gjerman për mbrojtjen e sigurisë së Izraelit dhe deklaroi se Izraeli ka të drejtën e vetëmbrojtjes

BUDAPEST - Antisemitizmi nuk ka vend në Berlin, Budapest ose në ndonjë vend tjetër të Europës ose të mbarë botës, deklaroi ministri gjerman i Punëve të Jashtme në Asamblenë e Kongresit Botëror të Hebrenjve. "Europa është më shumë se një treg ose monedhë e përbashkët, është një komunitet vlerash, i bazuar në parimet kryesore të shtetit të së drejtës. Në çdo kohë që kërcënohen vlerat evropiane ne do të ngremë zërin", deklaroi Guido Westerwelle. Ministri shprehu angazhimin e shtetit gjerman për mbrojtjen e sigurisë së Izraelit dhe deklaroi se Izraeli ka të drejtën e vetëmbrojtjes. Asambleja e përgjithshme e Kongresit Botëror të Hebrenjve, që zgjati tri ditë dhe ku morën pjesë 500 delegatë, u mbajt në Budapest, si shenjë solidariteti e komunitetit të hebrenjve në Hungari.

HermesNews - ©2013

Dërgo me email | Stampo artikullin