03/05/2013 14:45:13

Obama emëron Ministrin e Tregtisë

Kryesimin e Tregtisë Obama ia ka besuar një gruaje me shumë influencë

NEW YORK - Presidenti amerikan, Barack Obama emëroi Penny Pritzker në postin e Sekretarit të shtetit për tregtinë. Kryesimin e Tregtisë Obama ia ka besuar një gruaje me shumë influencë. Penny Pritzker, i përket një familjeje që ka në pronësi një rrjet gjigant hotelerie tepër të njohur në botë, hotelet Hayatt, ndërkohë që ajo vetë është trashëgimtarja e familjes. Në moshën 54-vjeçare ajo është një menaxhere dhe sipërmarrëse tepër e njohur, presidente dhe administratore e deleguar e shumë grupeve financiare në sektorin ekonomik dhe atë imobiliar dhe tepër aktive në politikë në radhët e demokratëve. E lindur në Çikago, ka qënë gjithmonë shumë e afërt me presidentin Obama, të cilin e ka mbështetur edhe gjatë fushatës së tij të fundit elektorale. Në vitin 2012 u listua ndër 100 personat më të pushtetshëm të kohërave në Çikago dhe në vitin 2011 ''Forbes'' e renditi në radhët e amerikanëve më të pasur në vendin e 263-t, me një vlerë të pasurisë që përllogaritej në rreth 1,85 miliardë dollarë.

HermesNews - ©2013

Dërgo me email | Stampo artikullin