03/05/2013 09:05:51

Njëmbëdhjetë miliardë Euro në xhepat e Greqisë

Shoqata e Agjencive Turistike Greke pret që në 10 vitet e ardhshme, turizmi të bëhet levë kryesore e ekonomisë dhe pjesa e tij

ATHINË - Të ardhurat nga turizmi në Greqi pritet që këtë vit të arrijnë në 11 miliardë euro, ndërsa të arrijnë deri në 18 miliardë deri në vitin 2017, edhe pse vendi ka humbur një pjesë të tregjeve në Gjermani, Britani të Madhe dhe Francë, tregojnë të dhënat e operatorëve turistikë grekë, njoftoi gazeta greke "Imerisia".

Shoqata e Agjencive Turistike Greke pret që në 10 vitet e ardhshme, turizmi të bëhet levë kryesore e ekonomisë dhe pjesa e tij në rritjen ekonomike të vendit të arrijë deri në 37 për qind. Për momentin, Greqia ka humbur një pjesë të tregjeve të saj kryesore.

Në periudhën 2007-10 vendi humb rreth gjysmë milionë turistë gjermanë, 150 000 britanikë dhe rreth 100 000 turistë francezë. Megjithatë, operatorët turistikë konsiderojnë se të ardhurat nga turizmi mund të rriten deri në 18 miliardë euro në vitin 2017, deri në 49 miliardë në vitin 2021, përderisa rreth 42 për qind të vendeve të tyre të punës në të ardhmen do të jenë nga turizmi.

HermesNews - ©2013

Dërgo me email | Stampo artikullin