02/05/2013 16:13:09

Brenda Majit, rimbursimi i TVSH-së

Fermerëve do t’u rimbursohet TVSH-ja për inputet bujqësore, çka pritet të formalizojë edhe tregun e pesticideve dhe farërave

TIRANE - Brenda muajit Majit do të nisë aplikimi për rimbursimin e TVSH për fermerët. Fermerëve do t’u rimbursohet TVSH-ja për inputet bujqësore, çka pritet të formalizojë edhe tregun e pesticideve dhe farërave, që prej vitesh është zhvilluar në mënyrë jo të kontrolluar.

Zëvëndësministri i Bujqësisë, Ndoc Fasllia, duke shpjeguar vendimin më të fundit të Qeverisë, u shpreh se, brenda Majit do të nisë rimbursimi për çdo fermer, i cili do të paraqesë faturën e blerjes me TVSH pranë drejtorive bujqësore në rrethe.

Sipas Fasllisë, shumë shpejt do të saktësohen të gjitha kriteret e përfitimit nga kjo skemë rimbursimi. Nga të dhënat e këtij dikasteri, të ardhurat në buxhetin e shtetit nga TVSH e importit të ketyre produkteve bujqësore arrin në 3 miliardë lekë në vit.

HermesNews - ©2013

Dërgo me email | Stampo artikullin