02/05/2013 15:30:46

Prindërit nuk u lexojnë më fëmijëve

Studimi i UNICEF. 63 përqind e prindërve shqiptarë nuk u lexojmë më fëmijëve

TIRANE - Vetëm 20 për qind e prindërve shqiptare janë të informuar mbi rëndësinë e zhvillimit të hershëm të fëmijerisë.

Një sondazh i bërë nga UNICEF në disa zona dhe në periferi tregon se 63 per qind e të intervistuarve, nuk i lexojnë femijëve të tyre.

Rreth 60 për qind e prindërve thonë që luajne me fëmijet nëpërmjet lodrave; por një studim “Mbi praktikat e rritjes së fëmijëve” rezultoi se kanë një numër mjaft të kufizuar të librave në shtëpi, ndërkohë që këto vitet e fundit, Shqiperia ka promovuar nje numër mjaft të madh librash për fëmije.

Ekzistojnë të dhëna shkencore, që investimet në periudhën e hershme të fëmijërisë janë një përfitim i madh për të ardhmen e tyre, sidomos kur ato i drejtohen fëmijëve që janë më në nevojë.

Nëqoftese ka ndonje fond shtese akoma për t’u shpenzuar në të gjithë sistemin arsimor, është më mirë të shpenzohet në femijet e vegjel, e sidomos për ato qe vijne nga komuniteti më në nevoje.

Kjo është arsyeja pse UNICEF po këshillon prindërit, familjet, kujdestarët, madje dhe gjyshërit ti kushtojnë rëndësi, tre viteve të para të jetes. Stimulimi i trurit, nëpërmjet aktiviteteve të të nxënit, është më e rëndësishmja.

Gjate dy viteve të para të jetes,truri i fëmijës zhvillohet më shpejt sesa gjithe pjesa tjetër e jetës. Fëmijët sa më shumë të stimulohen, aq më shumë do të zhvillohet dhe truri i tyre.

Sigurimi i mundesive në një moshë të hershme për perceptimet si (të parin, te dëgjuarin, prekjen) dhe eksperiencat motorike (të luajturit dhe të lëvizurit ) përcaktojne themelet e shprehive të tyre kryesore dhe modelet për gjithë jeten.

Gjithashtu, ndihmojnë në zhvillimin e aftësive emocionale, psikologjike dhe sociale. Marrëdheniet e ngrohta dhe pozitive, si dhe cilesia e të nxënit mund të promovohen në ambientin familjar dhe duhet te vazhdojne derisa femija mbaron së studiuari.

Ështe shumë e rendesishme, që kjo te ndodhë, sapo lindin femijet, pasi është i njohur fakti, që zhvillimi i te folurit është mjaft i lidhur me ekspozimin e shpeshtë ndaj komunikimit dhe të lexuarit e librave cilësore.

Më vonë, në moshen tre vjeç çdo fëmijë duhet të ekspozohet ndaj librit, tregimeve ose leximeve nga prindërit dhe kujdestarët.

“Foli femijës tënd, praktikohu si t’i tregosh përralla, lexo libra për fëmijët me fëmijët! Mos prisni vetëm për vitet e parashkollorit dhe të shkollës. Fëmija yt e meriton këtë!”, bën thirrje UNICEF.

HermesNews - ©2013

Dërgo me email | Stampo artikullin