02/05/2013 11:06:09

Një uragan në Saturn

Uragan në Polin verior të Saturnit

ROME - Erdhi Dita e Gjykimit, mund të mendosh pas fotove të ralla të lëshuara nga NASA. Në të vërtetë bëhet fjalë për një uragan në Polin Verior të Saturnit.

Sipas matjeve të bëra në bazë të fotove dhe videove marrë falë sondës Cassini, syri i ciclonit është rreth 2.000 kilometra i gjerë, që do të thotë 20 herë më i madh se ai i një uragani tokësor.

Uragani është zhvilluar në brendësi të një mjegulle të madhe dhe misterioze me gjashtë anë, e njohur si Gjashtëkëndëshi i Saturnit.
Mjegulla e hollë dhe e shëndritshme në bordin e jashtëm të ciclonit rrotullohet me një shpejtësi prej 330 mph (150 metra në sekondë=540 kilometra në orë).

Shkencëtarët do të studjojnë këtë fenomen me qellim për të njohur më mirë uraganët tokësor, të cilët ushqehen me ujin e ngrohtë të oqeaneve. Njohuritë rreth mënyrës se si këta uraganë përdorin avullin e ujit mund të jetë një ndihmë e madhe për të kuptuar si linden dhe si zhvillohen uraganët tokësor.

Uragani i Saturnit ka shumë ngjashmëri me uraganët tokësor si për shembull kanë një sy qëndror pa mjegulla ose mjegulla shumë të ulta, gjithashtu përbëhen nga një mur mjegullash t ëlarta që sillen në formë spiraljeje rreth syrit qëndror dhe së fundmi orientimi i tyre është në të kundërtën e akrepave të orës.

Përsa i përket diferencave, uragani në Polin Verior të Saturnit është shumë më i madh dhe më i shpejtë se homologët e tij tokësor. Ndryshe nga uraganët e Tokës që kanë tendencën të lëvizin, ai i Saturnit është i bllokuar në Polin e Veriut të Saturnit.

Sipas shkencëtarëve stuhia duhet të zgjasë prej dy vjetësh. Në momentin kur sonda Cassini arriti në sistemin e këtij planeti në 2004, Poli i Veriut ishte në errësirë sepse planeti ndodhej në stinën e dimrit.

Daniela Vathi

Dërgo me email | Stampo artikullin