01/05/2013 04:13:22

Qytetarët kapin për veshi Ramën

Kreu i selisë rozë fushatë dhe humor

TIRANE - Kreu i Partisë Socialiste, Edi Rama, pati një takim me banorët e Njësisë nr. 1 në Tiranë. Kryesocialisti e nisi me humor takimin, duke i ftuar të pranishmit që t’i heqin veshin nëse gabon. "Ju jeni të lutur të më bëni pyetje, sepse ky është këndi i fjalës në komunitet. Ne nuk jemi si kryeministri që mbledh administratën dhe ata bëjnë njëherë si peshkatarë, njëherë si fermerë, njëherë si notarë", tha Rama. Duke u ndalur tek programi i PS-së, Rama tha se ai është një kontratë me qytetarët dhe se kishte zhvilluar së bashku me strukturat një program mjaft të detajuar. "E shkruam programin pas një procesi shumë të gjatë, të panjohur më parë, vazhduam të shkojmë qytet më qytet e fshat më fshat, takuam grupe interesi e sipërmarrës, 5 mijë sipërmarrës i takuam fshehurazi, takim edhe me pedagogë, mësues e studentë, një pafundësi njerëzish të punës në fshat, ekspertë të ndryshëm", tha Rama. Rama tha më tej se duhet hequr tvsh-ja për biznesin e vogël dhe duhet ulur tatimfitimi, pasi siç shtoi ai, bizneset sot luftojnë për të mbijetuar.

HermesNews - ©2013

Dërgo me email | Stampo artikullin