30/04/2013 18:09:57

Një shqiptar ngjitet në vinç, kërcënon vetëvrasje

Arsyeja është se sipas tij prefektura e Torinos i detyrohet 46 mijë euro, gjë që ka cuar në ekstrem gjendjen e tij ekonomike

TORINO - Shqiptari Vojo Gjoza, 49 vjec, ngjitet në një vinc në këndin mes via San Quintino dhe corso Re Umberto, duke kërcënuar vetëvrasjen.

Kjo është hera e dytë brenda më pak se një javë dhe arsyeja është se sipas tij prefektura e Torinos i detyrohet 46 mijë euro, gjë që ka cuar në ekstrem gjendjen e tij ekonomike.

“Nuk kam më para për të jetuar, prefektuara më pati ngarkuar të vihem në dispozicion për emergjencën e emigrantëve të Afrikës veriore dhe kam dy qendra mikpritjeje për të huaj, por për një vit të tërë prefektura nuk më ka paguar asgjë.”

Ai tashmë ka ngarkuar një avokat që të merret direkt me çështjen dhe deri diku ka arritur të marrë të drejtat, pasi gjykata i ka dhënë të drejtën për ato 46 mijë euro, por prefektura refuzon të paguajë. “Nuk kam çfarë tu jap për të ngrënë fëmijëve, jam i dëshpëruar”- shprehet ai.

Ndërsa prefektura e Torinos pohon se i kanë paguar tashmë rreth tre mijë euro, ndërsa pjesa tjetër duhet diskutuar para drejtësisë në gjykatë. Vojo qëndroi rreth tre orë mbi vinc, nën shi, por në fund u bind që të zbriste.

Daniela Vathi

Dërgo me email | Stampo artikullin