30/04/2013 11:11:12

Incidenti në Vjenë. Palamenti miraton komisionin hetimor

Objekt i punës së komisionit, i cili do drejtohet nga deputeti Fatbardh Kadilli, është zbardhja e plotë e fakteve dhe rrethanave të këtij incidenti

TIRANË - Kuvendi miratoi të hënën me 71 vota kërkesën e deputetëve të PD-së për ngritjen e komisionit hetimor për hetimin e fakteve, rrethanave dhe përgjegjësive të incidentit të 24 Prillit në Vjenë, mes kryetarit të PS-së, Edi Rama dhe diplomatit shqiptar në selinë e OSBE-së, Egin Ceka. Opozita e bojkotoi votimin duke u shprehur kundër nismës së maxhorancës, të cilën e konsideroi "antikushtetuese". Objekt i punës së komisionit, i cili do drejtohet nga deputeti Fatbardh Kadilli, është zbardhja e plotë e fakteve dhe rrethanave të këtij incidenti dhe hetimi i veprimeve dhe përgjegjësive të individëve të përfshirë në të. Vendimi i Kuvendit, që hyn në fuqi menjëherë, parashikon një afat një mujor të punës së komisionit.

HermesNews - ©2013

Dërgo me email | Stampo artikullin