29/04/2013 10:32:05

Itali, betohet Qeveria e re

Letta pranoi zyrtarisht mandatimin e presidentit Giorgio Napolitano për postin e kryeministrit

ROMË - Qeveria italiane, e drejtuar nga kreu i së majtës, Enrico Letta u betua të Dielën në Pallatin Kuirinale. Letta pranoi zyrtarisht mandatimin e presidentit Giorgio Napolitano për postin e kryeministrit. Presidenti Napolitano deklaroi se kabineti qeveritar i kryeministrit Enrico Letta, i përbërë nga një koalicion dypalësh mes të majtëve dhe të djathtëve në Itali "është qeveria e vetme e mundshme" pas një ngërçi politik dy-mujor që ka përfshirë vendin pas zgjedhjeve të përgjithshme elektorale, të cilat nuk nxorrën asnjë fitues të saktë. Ndërsa zhvillohej ceremonia e betimit, jashtë pallatit janë dëgjuar të shtëna me armë zjarri. Dy zyrtarë të policisë janë plagosur, ndërsa është arrestuar një person; thanë burimet mediatike, sipas të cilave, incidenti ka ndodhur rreth një kilometër larg pallatit presidencial, ku qeveria e re ka bërë betimin.

HermesNews - ©2013

Dërgo me email | Stampo artikullin