24/04/2013 17:16:58

'Pranvera 2', ne pranga trafikanti

Arrestohet Arlind Kozeli 33 vjeç i shpallur në kërkim për trafik të lëndëve narotike

TIRANË - Strukturat e Policisë së Kryeqytetit arrestuan shtetasin Arlind Kozeli, 33 vjeç, banues në Tiranë, i shpallur në kërkim për trafik të lëndëve narotike. Sipas burimeve nga policia e kryeqyteti, në kuadër të operacionit policor të koduar "Pranvera II", u arrit kapja e tij në afërsi të rrugës "Ali Demi", në Tiranë, në një banesë të marrë me qera prej tij. 33 vjeçari Kozeli ishte person i kërkuar nga drejtësia shqiptare për trafik të lëndëve narkotike, i dënuar me vendim të formës së prerë nga Gjykata e Apelit Tiranë me 5 vjet burgim. Po ashtu, nga këto struktura është bërë e mundur kapja e personit të shpallur në kërkim Ndue Nikaj, 40 vjeç, lindur në Shkodër dhe banues në Tiranë, pasi Prokuroria e rrethit të Tiranës ka derguar urdher për ekzekutimin e vendimit nr.442 dt.09.04.13 të Gjykatës së Tiranës, e cila ka caktuar masen e sigurise "Arrest ne burg" per këtë shtetas për veprën penale "Dhune ne familje".

HermesNews - ©2013

Dërgo me email | Stampo artikullin