24/04/2013 17:13:52

India dhe Kina mblidhen për sulmin

India theksoi se ushtarët e Ushtrisë Popullore kineze kanë hyrë në rajonin Ladakh dhe kanë ngritur një kamp gjatë mbrëmjes së 15 prillit

NEW DELHI - India dhe Kina vazhduan sot bisedimet në përpjekje për të zgjidhur një mosmarrëveshje mes tyre pas sulmit të dyshuar të trupave kineze në një zonë në Himalaja, e pretenduar nga Nju Delhi, bënë të ditur burime mediatike indiane.

India theksoi se ushtarët e Ushtrisë Popullore kineze kanë hyrë në rajonin Ladakh dhe kanë ngritur një kamp gjatë mbrëmjes së 15 prillit. Kina e ka konsideruar këtë deklaratë " një spekulim".

Sipas ministrit indian të Mbrojtjes, A.K Antony "negociatat janë duke vazhduar në nivele të ndryshme për të zgjidhur problemin në mënyrë paqësore." Ndërkohë zyrtarë ushtarakë nga të dy vendet kanë zhvilluar takime këtë javë në përpjekje për të zgjidhur këtë mosmarrëveshje.

HermesNews - ©2013

Dërgo me email | Stampo artikullin