24/04/2013 17:11:18

Itali, Letta do formoje Qeverine e re

'Bëhen 60 ditë që vendi është në pritje të një qeverie. Është një situatë shumë e vështirë, e brishtë dhe e panjohur më parë, që nuk mund të zgjasë', deklaroi Letta, 46 vjeç, pas daljes nga takimi me presidentin italian, Giorgio Napolitano

ROMË - Numri dy i Partisë Demokrate, Enrico Letta u ngarkua sot për të formuar një qeveri të re që bashkon të majtën dhe të djathtën për t'i dhënë fund krizës politike në të cilën është zhytur Italia që prej dy muajsh. "Bëhen 60 ditë që vendi është në pritje të një qeverie. Është një situatë shumë e vështirë, e brishtë dhe e panjohur më parë, që nuk mund të zgjasë'', deklaroi Letta, 46 vjeç, pas daljes nga takimi me presidentin italian, Giorgio Napolitano, i cili i besoi këtë detyrë. ''Sipas Kushtetutës italiane, Letta duhet të fillojë tashmë bisedimet me forcat politike duke nisur nga dita e nesërme, para se të emërohet zyrtarisht shef i një qeverie që duhet të vendoset deri në fund të javës'', theksoi Napolitano.

HermesNews - ©2013

Dërgo me email | Stampo artikullin