24/04/2013 09:22:20

Dublimi i urave, rinisin punimet

Dublimi i urave do tqë mundësojë hapjen e punëve të tjera të mbetura pezull në autostradë, sic janë mbi e nënkalimet, pasi përgjatë këtij segmenti të autostradës ndodhen 5 fshatra

KUKES - Kanë rinisur punimet për dublimin e 7 urave në segmentin e autostradës Kukës - Morin, 17 kilometra i gjatë, për t’i kthyer këto ura në 4 korsi nga dy korsi që janë aktualisht. Për këtë është akorduar nga buxheti i shtetit edhe një fond prej 350 milion lekësh.

Puna sapo ka nisur për dublimin e urës në Rexhepaj, rreth 4 kilometra larg qytetit të Kukësit. Me fondin e akorduar bëhet e mundur ngritja e 10 këmbëve në këtë urë për ta bërë gati për vendosjen e trarëve.

Inxhinieri i kompanisë që po kryen punimet, Feti Gjici, thotë se, “puna sapo ka nisur në mënyrë intensive. Sipas planit këtë vit përfundojmë 160 metër linear kolonë. Përfundimi i kollonave mundëson edhe vendosjen e trarëve etj. Këto punime parashikohet të përfundojnë në fillim të muajit nëntor”.

Në segmentin e autostradës Morin - Kukës ishte i nevojshem dublimi i 7 urave. Punimet për ndërtimin e këtyre 7 urave kanë nisur që në vitin 2009 dhe afati i përfundimit të punimeve ka qenë fundi i muajit dhjetor të vitit 2010. Për këtë ishte e angazhuar firma sllovene “sct Ljubljana”, ndërsa për përfundimin e të gjitha punimeve fondi i nevojshëm ishte 1006621577 lekë.

Dublimi i urave do tqë mundësojë hapjen e punëve të tjera të mbetura pezull në autostradë, sic janë mbi e nënkalimet, pasi përgjatë këtij segmenti të autostradës ndodhen 5 fshatra. Do të punohet për ndërtimin e mbi e nënkalimeve, për rrethimin e plotë të autostradës duke i dhënë parametrat e standarteve te duhura.

HermesNews - ©2013

Dërgo me email | Stampo artikullin