23/04/2013 19:06:55

Politika monetare: banka qëndrore diskuton raportin tremujor

Sot banka diskutoi për nivelin e normës bazë të interesit për lekun

TIRANË - Banka e Shqipërisë bën të ditur se në mbledhjen e Këshillit Mbikëqyrës të ditës së mërkurë, do të shqyrtojë raportin tremujor të Politikës Monetare, që është instrumenti kryesor i komunikimit të politikës monetare me publikun, i cili analizon zhvillimet ekonomike, monetare dhe financiare gjatë një tremujori me qëllim vlerësimin e presioneve mbi ecurinë aktuale dhe të pritshme të inflacionit. Gjatë diskutimit të këtij raporti vend të rëndësishëm pritet të zërë diskutimi dhe miratimi i nivelit të normës bazë të interesit për lekun. Vendimi bazohet në analizat periodike, të cilat kanë për qëllim të plotësojnë tablonë e zhvillimeve makroekonomike të paraqitura në Raportin Tremujor të Politikës Monetare. Këto analiza, me një periodicitet tremujor, paraqesin informacion të detajuar për zhvillimet në sektorin e jashtëm, në fushën e ndërmjetësimit financiar dhe në tregjet ndërkombëtare.

HermesNews - ©2013

Dërgo me email | Stampo artikullin