23/04/2013 18:29:08

Irak, dorëhiqet ministri sunit

Ministri i Arsimit, Mohammed Ali Tamim ka dhënë dorëheqjen nga posti i tij pasi ushtria irakiane ka sulmuar në rajonin e Kirkukut

BAGDAD - Ministri irakian i Arsimit, Mohammed Ali Tamim dha dorëheqjen sot pas përleshjeve mes manifestuesve sunitë dhe forcave të sigurisë, që shkaktuan të paktën 27 të vdekur në veri të vendit, bënë të ditur burime zyrtare. "Ministri i Arsimit, Mohammed Ali Tamim ka dhënë dorëheqjen nga posti i tij pasi ushtria irakiane ka sulmuar në rajonin e Kirkukut", theksuan burimet zyrtare vendase. "Ushtria sulmoi mëngjesin e sotëm rajonin e Kirkukut", shtuan burimet zyrtare irakiane. Të paktën 25 manifestues dhe dy ushtarakë humbën jetën nga sulmet si dhe 70 persona u plagosën, sipas burimeve. Që nga muaji mars, Tamim është ministri i tretë sunit që jep dorëheqjen.

HermesNews - ©2013

Dërgo me email | Stampo artikullin