23/04/2013 16:59:59

Tetë anije kineze në ujërat e ishujve Senkaku

Rojat bregdetare japoneze konfirmuan se anijet kineze kanë hyrë në zonën rreth 22 kilometra rreth këtyre ishujve në detin e Kinës Lindore

TOKIO - Tetë anije qeveritare kineze hynë sot në ujërat territorialë të ishujve Senkaku administruar nga Tokio, por pretenduar nga Pekini, në po të njëjtën ditë me një vizitë të rëndësishme të deputetëve japonezë në tempullin Yasukuni në Tokio, bënë të ditur rojat bregdetare japoneze. Rojat bregdetare japoneze konfirmuan se anijet kineze kanë hyrë në zonën rreth 22 kilometra rreth këtyre ishujve në detin e Kinës Lindore, për herë të parë që prej kohës që kjo mosmarrëveshje territoriale u përkeqësua kur Japonia kombëtarizoi një pjesë të tyre në muajin shtator 2012.

HermesNews - ©2013

Dërgo me email | Stampo artikullin