23/04/2013 16:47:00

PDIU nënshkruan marëveshje me PD

Përveç aleatëve tradicionalë të saj, Partia Demokratike duket se do të përfshijë në koalicion edhe partinë për Drejtësi, Integrim dhe Unitet

(18:44) Partia për Drejtësi, Integrim dhe Unitet zyrtarizoi sot koalicionine saj parazgjedhor me Partinë Demokratike. Konfirmimi zyrtar u bë nga kreu i PDIU-së, Shpëtim Idrizi, i cili ishte mandatuar paraditen e sotme nga kryesia e PDIU-së, për të vijuar negociatat me Partinë Demokratike për një koalicion parazgjedhor. “Ne sapo nënshkruam marrëveshjen për koalicionin me PD. Koalicioni me PD do të dalë fitues në zgjedhje”, u shpreh Idrizi për mediat. Në një deklaratë të zyrës për shtyp të kësaj partie gjatë ditës së sotme, thuhej se kriteret për bashkëpunim mes PDIU-së dhe PD-së, janë përfshirja e çështjes çame, mbrojtja e të drejtave të emigrantëve dhe garancitë e nevojshme për administrimin dhe garantimin e votave të PDIU-së gjatë procesit zgjedhor.


TIRANË - Partia Demokratike do të përmbyllë sot zyrtarisht rreth orës 18:30, marrëveshjen me aleatët e saj, në ambientet e Hotel Sheraton në Tiranë, duke formësuar kështu koalicionin e djathtë që do ta drejtojë në zgjedhjet e 23 qershorit. Përveç aleatëve tradicionalë të saj, Partia Demokratike duket se do të përfshijë në koalicion edhe partinë për Drejtësi, Integrim dhe Unitet, e cila në mbledhjen e sotme të kryesisë paralajmëroi bashkëpunimin parazgjedhor me demokratët duke bërë të qarta dhe kushtet.

HermesNews - ©2013

Dërgo me email | Stampo artikullin