23/04/2013 16:28:35

Ak publikun kërkesat e koalicionit me partitë antiqeveritare

Gjashtë kërkesat e Aleancës për koalicion me partitë politike

TIRANË - Kryetari i Aleancës Kuq e Zi, Kreshnik Spahiu, bëri sot publike gjashtë kërkesat zyrtare të forcës politike që ai drejton lidhur me koalicionet e mundshme parazgjedhore me partitë anti-qeveritare. Spahiu tha se kërkesat e Aleancës Kuq e Zi nuk janë pazare politike, por standarde morale, politike, etike, ligjore dhe kombëtare për të cilat AK është e vendosur të mos lëshojë.
Ai iu drejtua të gjitha partive politike që kërkojnë bashkëpunimin me këtë levizje që kërkesat dhe standardet që kërkojmë të rivendosim kushtëzohen nga një pakt kombëtar politik dhe historik. Aleanca Kuq e Zi i fton të gjitha partitë politike të spektrit opozitar që në këto orë që kanë mbetur të shqyrtojnë me gjakftohtësi këtë marrëveshje si një manifest i një ndryshimi historik për të ardhmen e mbi 10 milonë shqiptarëve në rajon.

HermesNews - ©2013

Dërgo me email | Stampo artikullin