19/04/2013 10:12:11

Arrestohet ish presidenti Pervez Musharraf

I sapo kthyer nga azili, ish-gjenerali u mor nga shtëpia e tij në periferi të Islamabadit pas një urdhër-arresti të Gjykatës së Lartë të vendit

ISLAMABAD - Policia pakistaneze arrestoi sot në mëngjes ish-presidentin, Pervez Musharraf, njoftuan televizione të ndryshme pakistaneze. Ish-gjenerali u mor nga shtëpia e tij në periferi të Islamabadit pas një urdhër-arresti të Gjykatës së Lartë të vendit. Kjo gjykatë urdhëroi dje arrestimin e ish-presidentit, Pervez Musharraf, i kthyer nga ekzili me shpresën për të marrë pjesë në zgjedhjet e përgjithshme të majit. Gjykata e Lartë e Islamabadit i refuzoi ish-presidentit Musharraf kërkesën për shtyrjen e lirisë së përkohshme brenda dënimit me kusht në rast të kthimit në atdhe.

HermesNews - ©2013

Dërgo me email | Stampo artikullin