18/04/2013 17:44:41

Norvegji, evakuohet Parlamenti pas një shpërthimi në ndërtesë

Policia konfirmoi se shpërthimi ishte shkaktuar nga një qark i shkurtër elektrik

OSLO - Parlamenti norvegjez u evakuua sot pas një shpërthimi në ndërtesë, bënë të ditur burime mediatike vendase. "Ndërtesa e parlamentit u evakuua pas një shpërthimi, që u shkaktua nga një qark i shkurtër elektrik", theksuan burimet mediatike vendase. "Nuk janë raportuar të plagosur", shtuan burimet mediatike vendase. Policia konfirmoi se shpërthimi ishte shkaktuar nga një qark i shkurtër elektrik. Disa rrjete televizive vendase transmetuan pamjet e policisë dhe zjarrfikësve, që kishin ardhur në vendngjarje. Masat e sigurisë janë përforcuar në Norvegji, që nga sulmet e shkaktuara nga Anders Behring Breivik, i cili vrau 77 persona më 22 korrik të vitit 2011.

HermesNews - ©2013

Dërgo me email | Stampo artikullin