18/04/2013 15:34:10

Pheniani kerkon dialog me SHBA-ne dhe Seulin

SHBA dhe Koreja e Jugut duhet të ndërpresin provokacionet dhe aktet e agresionit

TOKIO - Koreja e Veriut kërkon hapjen me kusht të dialogut me SHBA-në dhe Korenë e Jugut, sipas agjencisë zyrtare koreanoveriore të lajmeve, KCNA, që citon Komisionin Kombëtar koreanoverior të Mbrojtjes. Sipas tij, SHBA dhe Koreja e Jugut duhet të ndërpresin provokacionet dhe aktet e agresionit, të kërkojnë ndjesë për to, ndërkohë që rezolutat e OKB-së për sanksionet duhet të anulohen. ''Fillimisht, SHBA dhe Koreja e Jugut duhet të ndalojnë aktet provokuese kundër Phenianit dhe të kërkojë ndjesë për të gjitha këto'', thotë komisioni në fjalë. ''Si shenjë e vullnetit të mirë duhet të anulohen gjithashtu edhe sanksionet e OKB-së'', shton ai. Në një fazë të dytë, sipas komisionit, Uashingtoni dhe Seuli duhet të japin garanci përpara komunitetit ndërkombëtar se nuk do të bëjnë manovra ushtarake bërthamore për të kërcënuar Phenianin.

HermesNews - ©2013

Dërgo me email | Stampo artikullin