16/04/2013 12:12:48

Kërkohej nga drejtësia kosovare, ndalohet në Kukës

Gjatë vitit të kaluar në pikat e kalimit kufitar me Kosovën, si rrjedhojë e aplikimit te sistemit TIMS, është bërë e mundur të ndalohen 247 persona të shpallur në kërkim kombëtar e ndërkombëtar, apo për llogari të policisë kosovare, ose 162 persona më shumë se në vitin 2011

KUKES - Është ndaluar në orët e natës së kaluar në doganën e Morinit një shtetas kosovar, pasi rezultonte person i kërkuar nga drejtësia kosovare. Zëdhënësi i drejtorisë së policisë së qarkut të Kukësit, Jaho Caushaj, tha se, “rreth orës 20.00 është ndaluar shtetasi Liriddon Muharremi, 26 vjec, banues në Gjinofcë të Kosovës, ndërsa donte të hynte në Kosovë. Por, gjatë kontrollit të dokumenteve të tij në sistemin TIMS rezultonte se ishte person i kërkuar nga drejtësia kosovare, gjë që solli ndalimin e tij të menjëhershëm". 26 vjecari i është dorëzuar menjëherë autoriteteve të policisë kosovare për veprime të mëtejshme.

HermesNews - ©2013

Dërgo me email | Stampo artikullin