15/04/2013 17:10:52

Zoti Kryeministër...

nga Alfred Mirashi

FIRENZE - Sapo dëgjova se kërkonit një takim me Z. Rama për ta bindur o biseduar në lidhje me të drejtën që duhet të kemi ne qytetarët shqiptarë që jetojmë jashtë, e drejta e votës. Z. Kryeministër unë mendoj se ka ardhur koha të veproni në mënyrë të shpejtë për qytetarët tuaj shqiptarë. Ka ardhur koha të vendosim për Parlamentin tonë me vota të lira. Nuk është dëshirë, as e juaja as e imja, më saktë jo vetëm dëshirë, por një e drejtë e jona dhe nuk duhet t'i sherbeje askujt vetem per show paralektoral. As ju as Rama nuk mund të bëni teatër sepse asnjëri nga ju nuk është më shumë apo më pak i prirur që vota jonë të jetë një ndër prioritet tuaja elektorale, por është koha t'a bëni realitet. Unë mendoj (si unë shumë të tjerë) që një Parlament i zgjedhur në mënyrë demokratike nga ana e qytetarëve jashtë do t'i jepte një fllad lirie demokracisë shqiptare. Kryeministër, besoj jo që vota është diçka që nuk duhet të na mohojë asnjë lloj forcë politike dhe nuk ka arsye të bëhet mollë sherri me opozitën, por mendoj që në Parlament duhet të prezentohen më shumë deputetë emigrantë që jetojnë në Europë ku ka qytetarë të diplomuar në universitetet e Europës, punojnë në mënyrë të shkëlqyer duke prezentuar vlera unike individuale dhe shqiptare. Ka ardhur koha që të rinovohet sistemi demokratik në Shqipëri, duhen që në administratën shqiptare të bëhet një program për të ndihmuar kthimin në Shqipëri të bashkëatdhetarëve të diplomuar me siguri janë më larg korrupsionit. Gabimet dhe skandalet e LSI-së bënë që të largohet në një pjesë të mirë dëshira e shqiptarëve për të investuar në vendlindje. Ka ardhur koha të kemi më shumë të drejta zoti Kryeministër. Vota është fillimi, sot por duhet luftuar korrupsioni prandaj ju lutem mos e hidhni vetem si ide voten, por çojeni deri ne fund. Kemi 22 vite demokraci dhe për shumë qytetarë jashtë mbase do të jetë hera e parë që mund të votojnë. Ata dhe ne, do të dimë të bëjmë zgjedhjen e duhur a nuk ju duhet dhe ju kjo.

HermesNews - ©2013

Dërgo me email | Stampo artikullin