15/04/2013 08:27:39

Maurinho fiton zgjedhjet presidenciale

Maduro, 50 vjeç, beniamini i Chavezit, doli fitues ndaj kandidatit të opozitës, Henrique Capriles, 40 vjeç

KARAKAS - Presidenti i përkohshëm i Venezuelës, Nicolas Maduro u deklarua fitues i zgjedhjeve presidenciale për zëvendësimin e Hugo Chavezit, me 50,66 për qind të votave, njoftoi sot Këshilli Kombëtar Elektoral i Venezuelës (CNE).

Maduro, 50 vjeç, beniamini i Chavezit, doli fitues ndaj kandidatit të opozitës, Henrique Capriles, 40 vjeç, i cili mori 49,07 të votave'', deklaroi presidenti i CNE-së, Tibisay Lucena, i cili shtoi se tendenca e rezultatit ishte e pakthyeshme.

Kandidati i opozitës venezueliane, Henrique Capriles, refuzoi të njohë fitoren e zgjedhjeve presidenciale nga Nicolas Maduro, organizuar pas vdekjes së Hugo Chavezit.

"Do t'i njohim këto zgjedhje pas numërimit një për një të të gjitha votave'', deklaroi Capriles gjatë një konference shtypi, pasi kundështari i tij kishte deklaruar fitoren.

HermesNews - ©2013

Dërgo me email | Stampo artikullin