13/04/2013 20:32:14

Euro ne rritje te pandalshme

Një euro këmbehej me 140 lekë, duke u mbyllur të premten në nivelin e 140.2 lekëve, pasi ka shënuar një rritje të lehtë në çdo ditë të javës

TIRANE - Monedha europiane vazhdon të mbetet e fortë në tregun vendas, për shkak të kërkesës së lartë për këtë valutë nga bankat, kryesisht tyre që po transferojnë fitimet e 2012-s. Sipas kursit te Bankes se Shqiperise, monedha vendase e ka mbyllur javën duke u nënçmuar vazhdimisht ndaj euros, ndërsa ka qenë e luhatshme kundrejt dollarit.

Të hënën, një euro këmbehej me 140 lekë, duke u mbyllur të premten në nivelin e 140.2 lekëve, pasi ka shënuar një rritje të lehtë në çdo ditë të javës. Ndërsa dollari e ka çelur javën në kuotën e 107.72, duke rënë deri në mesjavë, për ta marrë veten sërish të shtunen.

Në bursat ndërkombëtare, euro ka qenë pak a shumë e qëndrueshme këtë javë kundrejt dollarit, duke u këmbyer në raportet 1 euro=1.3 dollarë. Megjithatë, të shtunen euro ra ndaj dollarit me 0.38%, lëvizje që në tregun vendas u reflektua me një rritje të lehtë të euros, ndërkohë që dollari u forcua ndjeshëm, në mënyrë që të ruhen kurset e kryqëzuara, një lëvizje që nënkupton që euro është e fortë në tregun vendas.

Sipas aktorëve të tregut, euro qëndron e fortë në tregun vendas për shkak të kërkesës së lartë për këtë valutë nga ana e bankave, që blejnë për llogari të klientëve të tyre, kryesisht tyre që po transferojnë fitimet e 2012-s.

HermesNews - ©2013

Dërgo me email | Stampo artikullin