12/04/2013 13:59:28

Pheniani kërcënon Tokion

Duke i cilësuar si provokuese deklaratat e Tokios për interceptimin e një rakete që do të lëshohej nga Pheniani, agjencia shtetërore koreanoveriore e lajmeve, KCNA tha se një veprim i tillë rrezikonte 'ta zhyste' Japoninë 'në flakët e luftës bërthamore'

PHENIAN - Koreja e Veriut kërcënoi sot Japoninë për raprezalje bërthamore nëse kjo e fundit përfshihej në një farë mënyre në një konflikt të mundshëm në Gadishullin Korean.

Duke i cilësuar si provokuese deklaratat e Tokios për interceptimin e një rakete që do të lëshohej nga Pheniani, agjencia shtetërore koreanoveriore e lajmeve, KCNA tha se një veprim i tillë rrezikonte ''ta zhyste'' Japoninë ''në flakët e luftës bërthamore''.

Nderkohe, ministria koreanojugore e Mbrojtjes deklaroi sot se dyshonte në kapacitetin e Koresë së Veriut për lëshimin e një rakete balistike me kokë bërthamore, ashtu si kishte konfirmuar një ditë më parë një zyrtar amerikan duke cituar një raport të shërbimit sekret ushtarak.

"Koreja e Veriut ka kryer tre prova bërthamore, por mbeten dyshime që Koreja e Veriut të ketë prodhuar një kokë bërthamore mjaftueshmërisht të vogël dhe të lehtë që mund të montohet në një raketë'', deklaroi për shtypin zëdhënësi i ministrisë, Kim Min-Seok.

''Por, Koreja e Veriut po drejtohet drejt kësaj etape, ku mund të prodhojë një kokë të vogël bërthamore për ta vendosur në një raketë'', shtoi zëdhënësi.

HermesNews - ©2013

Dërgo me email | Stampo artikullin