12/04/2013 13:54:24

Armët kimike janë përdorur në Siri të paktën një herë

Qeveria siriane dhe opozita e armatosur akuzojnë njëra tjetrën për përdorimin e armëve kimike në luftën civile

NEW YORK - Vendet perëndimore kanë prova solide që armët kimike janë përdorur të paktën një herë në konfliktin sirian, theksuan dje diplomatët në OKB.

Qeveria siriane dhe opozita e armatosur akuzojnë njëra tjetrën për përdorimin e armëve kimike në luftën civile që ka përfshirë vendin që prej muajit mars 2011.

Damasku depozitoi më 20 mars një kërkesë zyrtare për një hetim nga OKB, që ishte njoftuar nga sekretari i përgjithshëm i OKB-së që të nësërmen.

Por autoritetet siriane kanë refuzuar këtë javë aksesin në territorin e tyre të anëtarëve të misionit të Kombeve të Bashkuara dhe Ban Ki-moon nënvizoi se të gjitha argumentet do të bëhen objekt hetimi.

"Ne kemi prova solide për përdorimin e armëve kimike'', konfirmoi dje para gazetarëve një diplomat perëndimor.

HermesNews - ©2013

Dërgo me email | Stampo artikullin