11/04/2013 09:21:58

Kukës, rinis furnizimi me drita

Situata e rëndë ka ardhur pas djegies së kabllove në kabinën e daljes nga nënstacioni i Rexhepajt, gjë që ka lënë në errësirë mbi 40 mijë banorë të rrethit të Kukësit

KUKËS - Rreth orës 22:00 të natës së kaluar ka rinisur furnizimi me energji elektrike i banorëve të rrethit të Kukësit. Kjo është mundësuar pas riparimit të defekteve të ndodhura pranë nënstacionit të Rexhepajt, rreth 4 km larg qytetit të Kukësit. "Situata e krijuar një ditë më parë ka evidentuar nivelin e ulët të punës që kryhet ende në CEZ shpërndarje. Kjo pasi konsumatorët nuk u furnizuan për orë të tëra me energji elektrike, jo aq nga defektet e ndodhura, por për shkak të mungesës totale të bazës material. Kjo bëri që pas defektit të nisej një mjet në Tiranë për të sjellë bazën materiale. Dhe mjeti u kthye vetëm në orën 16.00, pas së cilës nisi puna për riparimin e defekteve, duke bërë që të riniste furnizimi me energji elektrike vetëm pas orës 22.00", tregon Hyrmet Selami, një prej elektricistëve që punuan për eliminimin e defekteve.

HermesNews - ©2013

Dërgo me email | Stampo artikullin