11/04/2013 09:17:20

SHBA, Korea po luan me zjarrin

'SHBA-ja është e gatshme t'i bëjë ballë çdo të papriture', theksoi sekretari amerikan i Mbrojtjes, Chuck Hagel

SEUL - SHBA i bëri thirrje Koresë së Veriut të ndërpresë lojën me zjarrin dhe të heqë dorë nga lëshimi i raketave që ajo ka si qëllim të kryejë si kundërpërgjigje ndaj sanksioneve ndërkombëtare dhe në kuadër të përkeqësimit të situatës në Gadishullin Korean.

Koreja e Jugut dhe aleati i saj amerikan vendosën dje nivelin e tyre të alarmit përballë kërcënimit nga Koreja e Veriut që ishte gati për të kryer një ose disa prova me raketa në afrim të përvjetorit të lindjes së themeluesit të vendit, më 15 prill.

''Komanda e integruar nga forcat amerikane dhe koreanojugore vendosi nga 3 në 2 nivelin e alarmit nga këto forca duke sinjalizuar një kërcënim jetësor'', theksoi një gazetar ushtarak për agjencinë koreanojugore të lajmeve Yonhap.

Niveli 1 i alarmit i korrespondon gjendjes së luftës. Kjo shkallë ka të bëjë vetëm me mekanizmat e mbikëqyrjes dhe shërbimeve sekrete ushatarake dhe jo me vendosjen në alarm operacional të ushtrive.

''Një lëshim rakete mund të ndodhë në çdo moment duke nisur që nga ky moment'', deklaroi shefi i diplommacisë koreano-jugore, Yun Byung-Se, para Parlamentit në Seul.

''SHBA-ja është e gatshme t'i bëjë ballë çdo të papriture'', theksoi sekretari amerikan i Mbrojtjes, Chuck Hagel. "Me retorikën e saj të ashpër, Koreja e Veriut po luan me zjarrin dhe nuk ndihmon në qetësimin e një situate të paqëndrueshme'', deklaroi ai për shtypin në Washington.

"Vendi ynë është i gatshëm t'i bëjë ballë çdo të papriture, çdo lloj veprimi që mund të ndërmarrë Koreja e Veriut, çdo lloj kërcënimi'', shtoi Hagel.

HermesNews - ©2013

Dërgo me email | Stampo artikullin