10/04/2013 16:05:50

Një qytet në Japoni njoftoi gabimisht për lëshimin e raketës koreane

Lajmi u përhap në rrjetin social Twitter

TOKIO - Qytetit japonez i Yokohama njoftoi gabimisht një lëshim rakete nga Koreja e Veriut në rrjetin social Twitter, një gabim për të cilin kërkoi falje disa momente më vonë. Mesazhi i shfaqur në mëngjes në orën 02:19 (ora lokale) në një faqe të rrjetit social Twitter nga qyteti Yokohama, në afërsi të kryeqytetit, theksonte ''lëshim rakete, këtu qyteti i Yokohamas. Sipas xx, në xx orë dhe xx minute, një inforamacion bën të ditur se një raketë u lëshua nga Koreja e Veriut. Ju lutem kushtojini vemendje informacioneve të publikuara nga radiot dhe televizionet''. Para se të fshihej ky mesazh u pasua disa momente më vonë nga një tjetër, që kërkonte falje. ''Informacion i gabuar. Ne kemi dërguar pak më parë një informacion të gabuar për një lëshim rakete. Ju lutem pranoni faljen tonë''.

HermesNews - ©2013

Dërgo me email | Stampo artikullin