10/04/2013 15:40:43

Berisha, homazhe në Ambasadën Britanike

Ambasada e Britanisë së Madhe në Tiranë hap librin e ngushëllimeve për vdekjen e ish K/ministres Thatcher

TIRANË - Kryeministri Sali Berisha zhvilloi sot homazhe në ambasadën e Britanisë së Madhe në Tiranë, në nderim të ish Kryeministres Margaret Thatcher, e cila u nda nga jeta pak ditë më parë. Ambasada e Britanisë së Madhe në Tiranë hapi librin e ngushëllimeve, në të cilin Kryeministri Berisha la një shënim në nderim të figurës së Baroneshës Thatcher. Pas homazheve, në një prononcim për mediat e pranishme, Kryeministri Berisha tha se "Baronesha Thatcher është shënuar në memorien e kohës si një nga reformatoret më të mëdha, si një promovuese e jashtëzakonshme e vlerave të tregut dhe lirisë së tij, një mike e vërtetë e shqiptarëve, e cila mbështeti me vendosmëri çështjen e tyre".

HermesNews - ©2013

Dërgo me email | Stampo artikullin