10/04/2013 09:15:26

Japonia, gati për çdo veprim të Koresë së Veriut

Të Premten Pheniani tha se nuk mund të garantne dot më sigurinë e misioneve diplomatike në territorin e tij duke filluar nga 10 Prilli

(09:15) Koreja e Veriut mund të bëjë teste me raketa në çdo moment, pasi Pheniani i ka përfunduar përgatitjet për një lëshim eventual rakete, deklaroi një përfaqësues i administratës amerikanë në televizionin informativ amerikan, CNN. ''Duhet të bëjmë shumë kujdes pasi informacionet vijnë nga pamje satelitore'', theksoi ai. ''Këto teste mund të bëhen pa njoftimet e domosdoshme për këto raste për avionët tregtarë apo anijet, që këto të fundit të rrinë larg trajektores së raketës'', shtoi zyrtari.


TOKIO - Japonia është në gjendje alarmi nëse shihet i domosdoshëm interceptimi i raketave koreanoveriore, deklaroi sot ministri japonezi i Mbrojtjes. ''Ne jemi në gjendje alarmi që kur dislokuam arsenalin tonë ushtarak dhe do të jemi të gatshëm dhe vigjilentë në çdo çast'', deklaroi Itsunori Onodera për median. Forcat Vetëmbrojtëse Japoneze (emri zyrtar i ushtrisë japoneze - shën. përkth.) dislokuan dje raketa ''Patriot'' në qendër të Tokios dhe përreth kryeqytetit për t'u përballur me çdo goditje të mundshme koreanoveriore kundër arkipelagut.

HermesNews - ©2013

Dërgo me email | Stampo artikullin