09/04/2013 19:39:54

Eksplosiv në redaksinë e La Stampa

Pakoja e mbushur me eksploziv, një lloj çante për CD, përmbante një sistem mekanik i aftë për të shpërthyer paketën, por detonatori ka qenë i vendosur gabimisht dhe për këtë arsye shpërthimi nuk ka ndodhur

ROMË - Një pako e mbushur me eksploziv u zbulua sot në redaksinë e të përditshmes ''La Stampa'', e përditshmja më e madhe e Torinos, pronë e grupit Fiat, njoftoi gazeta në faqen e saj të internetit. Pakoja e mbushur me eksploziv, një lloj çante për CD, përmbante një sistem mekanik i aftë për të shpërthyer paketën, por detonatori ka qenë i vendosur gabimisht dhe për këtë arsye shpërthimi nuk ka ndodhur. Një punonjës ka hapur me kujdes pakon dhe pas dyshimeve ka lajmëruar policinë që ka evakaur redaksinë e gazetës. Sipas ''La Stampa'', pako të ngjashme u janë dërguar së fundi karabinierëve dhe zyrave të Equitalias, agjencia italiane e mbledhjes së taksave.

HermesNews - ©2013

Dërgo me email | Stampo artikullin