08/04/2013 15:50:41

Vdes 'gruaja e hekurt' e Anglisë

Margaret Thatcher vdiq sot në Londër në moshën 87-vjeçare nga një ictus

LONDËR - Ish-kryeministrja britanike, Margaret Thatcher ( portret ), e konsideruar ''zonja e hekurt'', vdiq sot në Londër në moshën 87-vjeçare nga një ictus, theksoi zëdhënësi i saj. "Me një trishtim të madh Mark dhe Carol Thatcher njoftuan se nëna e tyre, baronesha Thatcher kishte vdekur sot në mëngjes pas një ictusi'', deklaroi Lord Tim Bell.

Mbretëresha Elizabeth II u shpreh e trishtuar pasi mësoi për vdekjen e baroneshës Thatcher, ndërkohë që kryeministri britanik David Cameron theksoi se vendi kishte humbur një drejtuese të madhe, disa minuta pas njoftimit të vdekjes së ish-kryeministres. "Me një trishtim të madh kam mësuar vdekjen e zonjës Thatcher. Ne kemi humbur një drejtuese të madhe, një kryeministre të madhe dhe një britanike të madhe'', theksoi në një komunikatë David Cameron. Pas njoftimit të vdekjs së ish-kryeministres britanike, Margaret Thatcher, kryeministri britanik, vendosi të ndërpresë turin e tij të vizitave zyrtare në Europë, që nisi sot në Madrid.

HermesNews - ©2013

Dërgo me email | Stampo artikullin