06/04/2013 13:02:36

Iran '5+1', fillon raundi i dytë

Gjatë një takimi të mëparshëm, në fund të shkurtit, delegacioni i '5+1' i kishte paraqitur Iranit një propozim që parashikonte pezullimin' dhe jo më bllokimin e veprimtarisë për pasurimin e uraniumit në rreth 20 për qind

ALMA ATA - Rifilluan në Alma Ata, Kazakistan, bisedimet mes grupit ''5+1'', pesë anëtarët e përhershëm të Këshillit të Sigurimit në OKB, që janë SHBA-ja, Franca, Britania e Madhe, Rusia dhe Kina plus Gjermania dhe delegacioni iranian mbi programin e shumëpërfolur bërthamor të Teheranit pasi raundi i parë i negociatave, dje përfundoi pa asnjë rezultat konkret. Para fillimit të sesionit të djeshëm, kryediplomatja europiane, Catherine Ashton, e cila kryeson negociatat për Grupin ''5+1'' dhe kryenegociatori iranian, Sad Jalili, kanë zhvilluar një takim bilateral në një qendër në Alma Ata. Gjatë një takimi të mëparshëm, në fund të shkurtit, delegacioni i '5+1' i kishte paraqitur Iranit një propozim që parashikonte ''pezullimin'' dhe jo më bllokimin e veprimtarisë për pasurimin e uraniumit në rreth 20 për qind.
Ndërkohë në këmbim, u ishte ofruar lehtësimi i disa prej sanksioneve në tregtinë e arit dhe në sektorin e petrolkimik iranian që po mbysin ekonominë e Teheranit.

HermesNews - ©2013

Dërgo me email | Stampo artikullin