06/04/2013 12:34:48

Qëllohet me plumba e reja në një lokal nate. Vdes në spital

Ngjarja ndodh pas një komflikti mes të rinjsh në një lokal nate

TIRANË - Ditën e sotme rreth orës 03.00 në një lokal nate në zonën e Kasharit në Tiranë, është plagosur me armë zjarri shtetasja Sonila Tafa, 26 vjeç, banuese në Tiranë. Menjëherë në vendngjarje shkuan shërbimet e policisë, duke formuar grupin e posaçëm hetimor nën drejtimin e Prokurorit dhe ekspertë kriminalist, me synim zbardhjen e rrethanave dhe motiveve.

Dyshohet, thuhet në njoftimin e policisë, se ngjarja ka ndodhur pas një konflikti midis të rinjsh në këtë lokal nate, ku viktima është qëlluar dhe si pasojë më pas ka gjetur vdekjen në Spitalin Ushtarak në orët e para të mëngjesit të ditës së sotme.

Aktualisht nga strukturat e Policisë së Tiranës po punohet intensivisht për identifikimin e autorëve dhe zbardhjen tërësisht të kësaj ngjarje, duke mbledhur dhe administruar provat si dhe marrë në pyetje disa dëshmitarë okularë në vendngjarje.

HermesNews - ©2013

Dërgo me email | Stampo artikullin