04/04/2013 11:45:25

Shqipëria rrit eksportet blegtorale

Eksportet ushqimore zënë peshën më të madhe, duke siguruar gati 50% të vlerës së prodhimeve agroushqimore të eksportuar

TIRANE - Eksporti i prodhimeve agroushqimore u rrit me 7% gjatë vitit të kaluar krahasuar me një vit më parë, sipas të dhënave të Ministrisë së Bujqësisë dhe Ushqimit. Vlera e eksportit arriti në gati 13 miliardë lekë. Rritja e eksportit të produkteve blegtorale, një tendencë e vërejtur vitet e fundit, ishte edhe më e dukshme gjatë 2012-s.

Sipas të dhënave të MBUMK-së, prodhimet blegtorale të eksportuara shënuan një rritje vjetore prej 26%, duke arritur në 1.66 miliardë lekë. Prodhimet bujqësore u rritën me 19 %, ndërkohë që prodhimet e agroindustrisë shënuan rënie prej 3% në vlerën e eksporteve, krahasuar me vitin 2011. Gjithsesi eksportet ushqimore zënë peshën më të madhe, duke siguruar gati 50% të vlerës së prodhimeve agroushqimore të eksportuar.

Eksporti (mld lekë)

2011 2012
Bujqësi 4.137 4.9
Blegtori 1.3 1.66
Agroindustri 6.645 6.417
Total 12 12.99

HermesNews - ©2013

Dërgo me email | Stampo artikullin