04/04/2013 10:00:26

Nishani dekreton përbërjet e reja në Qeveri

Dekretohen zëvendëskryeministri dhe ministri i arsimit, ministri i shëndetësisë, i punëve të jashtme, ekonomisë dhe i kulturës

TIRANE - Presidenti i Republikës Bujar Nishani dekretoi mbrëmë shkarkimin nga detyra e Zv.kryeministrit dhe Ministrit të Ekonomisë, Tregtisë dhe Energjitikës, të zotit Edmond Haxhinasto, Ministrit të Punëve të Jashtme, zotit Edmond Panariti dhe Ministrit të Shëndetësisë, Vangjel Tavo. Ai dekretoi shkarkimin nga detyra e Ministrit të Turizmit, Kulturës, Rinisë dhe Sporteve, të zotit Aldo Bumçi. Presidenti dekretoi emërimin e zotit Myqerem Tafaj, Zv.kryeministër dhe Ministër i arsimit dhe shkencës, emërimin e zotit Halim Kosova, Ministër i shëndetësisë, emërimin e zotit Aldo Bumçi, Ministër i Punëve të Jashtme dhe emërimin e zotit Florian Mima, Ministër i Ekonomisë, Tregtisë dhe Energjetikës. Presidenti Republikës, me propozim të Kryeministrit, dekretoi emërimin e zotit Visar Zhiti, Ministër i Turizmit, Kulturës, Rinisë dhe Sporteve. Ministrat e rinj do të votohen sot në Kuvend.

HermesNews - ©2013

Dërgo me email | Stampo artikullin