03/04/2013 14:56:56

Parku i urbaneve. Punetoret pa rroge

3 muaj pa marre asnje qindarke. Gati protestat

TIRANE- Nga muajit janar, rreth 200 punëtorë të Parkut të Autobusëve në kryeqytet nuk janë paguar. Shoferët dhe fatorinot e linjës shtetërore Kombinat-Kinostudio, oficina e parkut dhe administrate nuk kanë marrë pagat. Kryetari i sindikatës së punëtorëve të parkut, Gramoz Muharremi tha se janë ankuar disa herë në Drejtorinë e Parkut por deri tani situata nuk ka ndryshuar. Kryesindikalisti i parkut të autobusëve fajëson drejtorin Arben Terpollari, i cili, sipas tij ka çuar deri në këtë pikë gjendjen financiare të ndërmarrjes shtetërore, pasi më parë pagat merreshin në kohë. Kryetari i Federatës së Transportit, Zija Hasani është shprehur në mbështetje të punëtorëve të parkut të urbanëve. Ai tha se janë zhvilluar disa takime me drejtuesit e kësaj ndërmarrje por zgjidhja mbetet protesta.

HermesNews-©2013

Dërgo me email | Stampo artikullin