03/04/2013 14:22:32

Trojka rifillon negociatat për programin ekonomik

Përfaqësuesit e kreditorëve ndërkombëtarë të vendit mund të qëndrojnë në Athinë rreth 10 ditë të vendosur për përfundimin e të gjitha çështjeve të mbetura pezull

ATHINË - Nëse nuk ka të prapritura të minutës së fundit, nesër në mëngjes në Athinë fillojnë një raund i rëndësishëm i negociatave mes qeverisë vendase dhe përfaqësuesve të Trojkës (FMN, BE dhe BQE).

Me takimin e ministrit të Financave, Yannis Stournaras me Matthias Mors (BE), Claus Masuch (BQE) dhe Paul Tomsen (FMN), parashikuar për në orën 10, do të nisin tratativat mbi aktualizimin e programit ekonomik, të ndërprera 20 ditë më parë për shqyrtimin e imtësishëm, sipas burimeve të Trojkës, disa çështje të mbetura pezull.

Sipas burimeve qeveritare, përfaqësuesit e kreditorëve ndërkombëtarë të vendit mund të qëndrojnë në Athinë rreth 10 ditë të vendosur për përfundimin e të gjitha çështjeve të mbetura pezull.

Nga ana e saj, qeveria greke shpreson në një rezultat pozitiv të tratativave për miratimin e akordimit të transhit të tremujorit të parë të këtij viti prej 6 miliardë eurosh dhe të atij të marsit, prej 2,8 miliardë eurosh, të miratuar nga Eurogrupi dhjetorin e kaluar, por që nuk është zhbllokuar ende sepse, sipas Trojkës, Greqia nuk kishte respektuar disa prej kushteve të konsideruara ''të domosdoshme''.

HermesNews - ©2013

Dërgo me email | Stampo artikullin