03/04/2013 14:16:56

3,5 Ton naftë kontrabandë

Zbulohet nafta në segmentin e autostradës Fier-Lushnjë

TIRANË - Strukturat e antikontrabandës së Drejtorisë së përgjithshme të doganës, në kuadër të veprimtarisë së tyre për mbikëqyrjen dhe monitorimin e mallrave që paguajnë akcizë, sekuestroi të mërkurën 3.5 ton naftë në segmentin e autostradës Fier-Lushnjë. Burime zyrtare nga DPD-ja thanë se gjatë kontrollit doganor u konstatua se në mjetin tip kamioncinë me targë FR 6773C ishte përshtatur një depozitë metalike ku ndodheshin 3.5 t naftë në gjendje krejtësisht të parregullt. "Menjëherë është kryer bllokimi i mallit dhe i mjetit të përshtatur në depozitë ndërkohë që strukturat e hetimit të kësaj drejtorie po vazhdojnë procedurat për plotësimin e dosjes hetimore", thanë burimet.

HermesNews - ©2013

Dërgo me email | Stampo artikullin