03/04/2013 13:30:14

Ekstradohet për vjedhje me armë

Selam Xhaferi është ekstraduar sot drejt Tiranës, nen akuza për vjedhje me armë

TIRANË - Interpol Tirana ekstradoi nga Athina drejt vendit tonë 37 vjeçarin shqiptar Selam Qemal Xhaferi (Xhaferri), nga Tepelena.

Sipas njoftimit të lëshur nga Policia e Shtetit, “ky shtetas ishte shpallur person në kërkim ndërkombëtar pasi Gjykata e Rrethit Gjyqësor Fier, me vendimin datë 03.06.2009, ka caktuar ndaj tij masën e sigurisë “Arrest në burg”, për kryerjen e veprave penale të “Vjedhjes me armë, mbajtje pa leje të armëve luftarake dhe vrasjes me paramendim”.

Xhaferri, me 31 korrik 1999, në bashkëpunim me shtetasit Fatos Muci dhe Fatjon Zota, duke qenë të maskuar dhe të armatosur u kanë vjedhur shumat e lekëve që kishin me vete shtetasve Robert Meraj dhe Florian S..

Më pas kanë qëlluar me armë në drejtim të mjetit me të cilin po udhëtonin dy të dëmtuarit dhe për pasojë ka mbetur i vrarë shtetasi Robert Meraj, i cili po drejtonte automjetin.

HermesNews - ©2013

Dërgo me email | Stampo artikullin